ESPECTACLE NOVÈU : "CANTATES D'AZUR"

 

Zine, lo nòstre passeron azurean, cantairitz autora e personatge de l'imaginari azurean emb lo concept de « Palhassina » ( la frema palhassa (clown), perqué li fremas tanben an lo drech de s'amusar en la vida) tòrna emb un espectacle novèu, en occitan niçard.

 

Dins un estil borlesc e teatral, fresc e joiós, laugier e prefond tot en un còup.
Son d'adaptacions parodiqui d'estandards e classics coma per exemple:

Amy Whinehouse, Rihanna, Gwen Stefani, Lu Eagles, Queen, Manu Chao, Paolo Conte, Lu Beatles, Barbara, Jòrgi Brassens, Jaume Brel, Renaud Séchan, Jaume Dutronc...

dins una lenga niçarda poetica e florida, imajada e aisida d'acapir per toi.

 

Li son d'expressions tipiqui trobadi per Reinat-Peire Anfosso dich «  Sciença » a l'entorn de tèxtos umanistas, de cançons populàrii que parlan d'amor, d'amistat, dau destin, en faguent omenatge a de luecs o personatges importants de l'istòria locala niçarda coma :
Joana Augier de l'Ostal Negresco
Francís Gag, òme de teatre
Catarina Segurana, eroïna niçarda
per ne'n citar quauqu'uns.

Seretz susprés de descurbir li sieus trobalhas (trobadoresqui).

 

Aquel espectacle liga l'individual e l'universal, lo local e lo global e vos mena dins un viatge dai sens que segur vos farà viatjar en vos semblant pròche e familiar...

 

Emb aquest espectacle plen d'umor e d'emocion, que mescla tradicion e modernitat, e dins la tradicion dai trobairitz, Zine arriba a la performança de mostrar que la lenga niçarda ten una riquesa sieua per cuntar lo monde e que a una filosofia pròpria, qu'existe una poetica e un estat d'esperit ben « niçard ». Es coma una sòrta de renaissença culturala ben d'actualitat.

 

Da descurbir absoludament !

 

niçart/nissart

Provençal

NOVÈL ESPECTACLE : "CANTATES D'AZUR"

 

Zina, nòstre passeron, cantairitz de tèxtes e personatge de l'imaginari azurean amb son concèpte de la Palhassina (frema clown, bòrd que lei fremas tanben an lo drech de s'espacejar dins la vida) tòrna amb un novèl espectacle e canta per vautres e en niçart, d'un biais borlesc e teatrau, fresc e galòi, leugier e prefons au còp, d'estandards e de classics asatats, coma, per exemple :Amy Whinehouse, Rihanna, Gwen Stefani, Lu Eagles, Queen, Manu Chao, Paolo Conte, Lu Beatles, Barbara, Jòrgi Brassens, Jaume Brel, Renaud Séchan, Jaume Dutronc...dins una lenga niçarda poetica e florida, imatjosa e de bon encaparD'expressions tipicas atrovada per Pèire Reinat Anfossa, escais-nomenat "Sciença"a l'entorn de tèxtes umanistas e de cançons popularas parlant de l'amor, de l'amistat, de la destinada...Aquel espectacle fa omenatge en de luecs ò personatges importants de l'istòria niçarda locala, coma Joana Augier de l'Hôtel Negresco, amiga deis artistas, ò Francís Gag, òme de teatre, tant coma Catarina Segurana, eroina nissarda, per ne'n citar quauqueis uns...

Seretz susprés de descurbir sei tròbas.

Aquel espectacle liga l'individuau e l'universau, lo locau e lo globau e vos mena dins un viatge dei sentits que segur vos carrejarà en vos semblant pròche e familiar...

 

Amb aquest espectacle plen d'umor e d'emocion, que mescla tradicion e modernitat, e dins la tradicion dei trobairitz, Zine arriba a la performànçia de mostrar que la lenga niçarda ten una riquessa d'esperèla per retraire lo monde e qu'a una filosofia, qu'esta una poetica e un estat d'esperit ben « niçard ». Es coma una mena de respelida culturala ben d'actualitat.

 

De descurbir absoludament !